Netanyahu kann að styðja ríki Palestínumanna

Benjamin Netanyahu, forsætisráðherra Ísraels, kann að vera reiðubúinn til að taka þátt í friðarferli, sem leiði til sjálfstæðs ríkis Palestínumanna. Þetta segir Ehud Barak, varnarmálaráðherra Ísraels við ísraelska sjónvarpið í kvöld.

Barak sagði, að hugsanlegt væri að samkomulag náist innan þriggja ára.  

Netanyahu mun brátt eiga fund með Barack Obama, Bandaríkjaforseta, í Hvíta húsinu. Hann fór einnig til Egyptalands og Jórdaníu í síðustu viku og ræddi við leiðtoga þar um friðarferlið.

Bandaríkin styðja tveggja ríkja lausn í deilum Ísraelsmanna og Palestínumanna. Það gera einnig Egyptar og Jórdaníumenn, einu arabaríkin sem viðurkenna Ísraelsríki. 

• 1 blogg um fréttina

Bloggað um fréttina

• Björn Heiðdal: ESB styður Ísrael.