Gekk í 19. skipti á Everest

Sherpinn Apa komst í nótt í 19. skipti á tind Everestfjalls. Hann er nú á leið niður eftir að hafa dvalið í um hálfa klukkustund á tindinum í 8848 metra hæð. 

Apa, sem er 49 ára,  komst fyrst á tindinn árið 1990. Ferð hans nú var helguð baráttu gegn loftslagsbreytingum, sem hafa haft umtalsverð áhrif á Everest og önnur fjöll í Himalaíafjallgarðinum. 

Rúmlega 100 fjallgöngumenn hafa komist á tind Everest í vor og eru 29 leiðangrar í fjallinu nú. 

Edmund Hillary og Tenzing Norgay gengu fyrstir á Everest árið 1953. Yfir 3000 manns hafa síðan komist á tindinn, þar á meðal fjórir Íslendingar. 

Everest er hæsta fjall heims. Reuters

• 1 blogg um fréttina

Bloggað um fréttina

• Hafsteinn Viðar Ásgeirsson: Gekk á Geitafellið í fyrsta skipti.