Fangnir í smyglgöngum

Björgunarmenn vinna nú að því að grafa þrjá menn út úr smyglgöngum sem tengja Gazasvæðið við Egyptaland. Göngin hrundu Egyptalandsmegin í nótt en þau höfðu verið notuð til að flytja mat og eldsneyti inn til Rafah-borgar.

„Það eru þrír menni inni, líklega palestínskir smyglarar,“ sagði egypskur eftirlitsmaður. Í síðustu viku fann egypska lögreglan lík eins Palestínumann eftir að önnur göng hrundu. Yfir 50 menn létust á síðasta ári í gangaslysum. Ísraelar og Egyptar hafa reynt að binda enda á smygl yfir til Gazasvæðisins sem var sett í herkví af Ísraelum eftir að Hamassamtökin náðu völdum í júní 2007. Að sögn Ísraela eru göngin einnig notuð til að smygla vopnum til bardagamanna.

• 1 blogg um fréttina

Bloggað um fréttina

• Vésteinn Valgarðsson: Hetjur