Bush ver harkalegar yfirheyrslur

George W. Bush, fyrrverandi forseti Bandaríkjanna, varði í morgun harkalega yfirheyrslutækni,  sem viðgekkst í forsetatíð hans. Hann sagði slíkar yfirheyrslur, sem notaðar voru í „stríðinu gegn hryðjuverkum“ hafa verið bæði löglegar og nauðsynlegar til að koma í veg fyrir yfirvofandi árásir. 

Bush lýsir þessu yfir nú aðeins viku eftir að Dick Cheney, fyrrverandi varaforseti Bandaríkjanna, lýsti Barack Obama, núverandi Bandaríkjaforseta, sem umburðarlyndum gagnvart hryðjuverkum þar sem Obama hefur ákveðið að yfirheyrsluaðferðirnar verði ekki eins harkalegar nú og þær voru í tíð Bush.

Bush sagði í ræðu sem hann flutti í Michigan í morgun fyrir framan 1.500 manns að lögfræðingur hans hefði gefið grænt ljós á yfirheyrslutæknina, sem var viðhöfð þegar grunaðir menn voru yfirheyrðir eftir hryðjuverkaárásirnar á Bandaríkin 11. september 2001.

„Ég tók ákvörðun, innan lagarammans, til að ná í upplýsingar og ég get sagt að ég hafi gert það sem til þurfti til að sinna skyldu minni gagnvart bandarísku þjóðinni,“ sagði Bush í ræðunni og bætti við að þær upplýsingar sem fengust með þessum hætti hefðu bjargað mannslífum.

• 6 blogg um fréttina

Bloggað um fréttina

• Axel Jóhann Hallgrímsson: Ef Bandarískir hagsmunir eru undir, er þá allt leyfilegt?
• Vésteinn Valgarðsson: "Ég játa, ég játa!"
• Sigurbjörg Kristmundsdóttir: BUSH
• Þórarinn Eyfjörð: Með stuðningi Davíðs Oddsonar og Halldórs Ásgrímssonar
• Anna Sigríður Guðmundsdóttir: Hvernig getur Bush réttlætt slík grimmdarverk?
• Hermann Óskarsson: Er verjandi að nauðga fólki ef það þjónar hagsmunum Bandaríkjanna?