Obama var með smakkara
Setja bókamerki
Bandarískur „smakkari" var með í för þegar Barack Obama, Bandaríkjaforseti, og fjölskylda hans, snæddu kvöldverð á veitingahúsi í París í gærkvöldi.
„Þeir eru með mann sem smakkar réttina," sagði Gabriel de Carvalho, þjónn á veitingahúsin La Fontaine de Mars, þar sem bandaríska forsetafjölskyldan snæddi í gærkvöldi.
„Kokkarnir voru ekki sérlega ánægðir í fyrstu en þessi maður var afar ljúfur og rólegur og allt gekk vel," sagði þjónninn við sjónvarpsstöðina Itele.
Veitingahúsið staðfesti þessa frásögn við AFP fréttastofuna. La Fontaine de Mars er skammt frá Eiffelturninum í borginni. Að sögn fékk Barack sér lambasteik og drakk vatn með en aðrir í fjölskyldunni völdu nautakjöt.
Obama og fjölskylda hans skoðuðu í morgun Pompidou nýlistasafnið. Forsetinn hélt síðan heim á leið til Bandaríkjanna en Michelle, kona hans, og dætur þeirra tvær, urðu eftir í París og ætla að skoða sig betur um og versla.
Spara stórfé með olíukaupum ytra
Heitt vatn fannst sem gæti annað 10 þúsund manns
Hraunið náð Njarðvíkuræð: Fylgjast með raflínu
Sáu eldgosið brjótast út frá Snæfellsnesi
Mjög alvarlegt ef Njarðvíkuræð gefur sig
Átti ekki að láta pirring bitna á sjúklingi
Hvað gerðist eiginlega í VMA?
Hraun fór yfir Grindavíkurveg