Árásarmaðurinn sagður afneita helförinni

Maðurinn sem gekk vopnaður inn á Helfararsafnið í Washington í dag og skaut þar öryggisvörð til bana er sagður lengi hafa afneitað að helförin hafi átt sér stað. Hann er jafnframt talinn tengjast samtökum kynþáttahatara. Árásarmaðurinn, sem að sögn fjölmiðla vestanhafs er 88 ára og heitir James von Brunn, særðist sjálfur illa í árásinni og er talinn í lífshættu. 

Hann sat jafnframt í 6 og hálft ár í fangelsi árið 1981 fyrir að ryðjast vopnaður inn í Seðlabanka Bandaríkjanna en hann taldi að bankinn hefði sérstaklega verið settur á laggir til að þjóna gyðingum í viðskiptalífinu. Þar var hann handtekinn áður en honum tókst að vinna nokkurn skaða. 

Von Brunn hefur einnig skrifað bók um helförina, Adolf Hitler og hugmyndir sínar um yfirburði hvíta kynþáttarins.

• 1 blogg um fréttina

Bloggað um fréttina

• Baldur Gautur Baldursson: Helför og hugsanafrelsi