Hengdur af fjölskyldunni

Nokkrir ættingjar fimmtán ára Palestínumanns hafa játað að hafa átt þátt í því að hengja piltinn vegna ásakana um að hann hefði unnið fyrir Ísraelsher. Lík piltsins fannst í nágrenni borgarinnar Qalqilya á Vesturbakkanum. Þetta kemur fram á fréttavef BBC.

 Um er að ræða föður piltsins, föðurbróður hans og frænda. Lögregla á sjálfstjórnarsvæðum Palestínumanna segir mjög ólíklegt að nokkuð sé til í því að svo ungur maður hafi verið fenginn til samvinnu við Ísraelsher og að mennirnir verði dregnir fyrir rétt vegna málsins.