Páfi segir líkamsleifar Páls postula fundnar
Setja bókamerki
Benedikt XVI páfi lýsti því yfir í dag að vísindaleg rannsókn á gröf undir altari kirkju heilags Páls í Róm hafi leitt í ljós að þar sé Páll postuli sjálfur grafinn. Rannsóknir beinflísum sem í gröfinni fundust leiddu í ljós að þær tilheyrðu manni sem uppi var á fyrstu eða annarri öld eftir Krist. Páll postuli var hálshöggvinn í Róm árið 67 e.Kr.
„Þetta virðist staðfesta þá óumdeildu og gömlu skoðun að gröfin innihaldi líkamsleifar Páls postula,“ sagði páfi. Andrea Codero Lanza di Montezemolo, kardínáli kirkju heilags Páls, segir það hafið yfir allan vafa að þarna væri Páll grafinn.
Gröfin hefur aldrei verið opnuð en til að sækja beinflísarnar var borað smátt gat á vegg hennar. Að sögn Montezemolo kardínála hefur ekki verið útilokað að opna gröfina en það væri stórtæk framkvæmd og mögulega þyrfti að rífa altarið niður.
Vatíkanið heimilaði rannsóknir á gröfinni árið 2002 og hefur haldið því fram frá árinu 2005 að lærisveinninn Páll sé þar grafinn.
Hraun kemur úr þremur gígum: Virknin stöðug
Sjötti ferðamaðurinn er látinn
Yfir 300 stæði fóru undir hraun
Hentugt gos fyrst gýs á annað borð
Sólveig Anna furðar sig á aðferðum kennara
Reiðubúin að aflýsa verkföllum í fjórum leikskólum
Litlar líkur á að hraunið nái til mannvirkja