Fjármálalegu neyðarástandi lýst yfir í Kalíforníu

Arnold Schwarzenegger, ríkisstjóri í Kalíforníu, lýsti í gærkvöldi yfir efnahagslegu neyðarástandi í ríkinu og kallaði jafnframt ríkisþingið saman til aukafundar til að loka allt að 24 milljarða dala fjárlagagati. 

Kalíforníuríki skortir lausafé og getur ekki greitt alla reikninga frá og með deginum í dag. Schwarzenegger segir í yfirlýsingu sinni, að lausafjárgatið verði 6,5 milljarðar dala í september ef ríkisþingið samþykkir ekki stórfelldan niðurskurð á útgjöldum vegna opinberrar þjónusti.  

Þá hefur Schwarzenegger fyrirskipað, að mörgum ríkisstofnunum verði lokað fyrsta, annan og þriðja föstudag í hverjum mánuði fram til júní 2010. Starfsmenn þessara stofnana fá ekki greidd laun fyrir þessa þrjá daga. Lokunin nær ekki til sjúkrahúsa, fangelsa og ríkislögreglunnar.  

• 1 blogg um fréttina

Bloggað um fréttina

• Birgit Raschhofer: Kalifornía - draumalandið?