Hlúð að heilögum úlnlið

Benedikt páfi sextándi slasaðist lítillega á úlnlið þegar hann datt í fríi sínu í norðurhluta Ítalíu. Páfinn, sem er 82, ára, fór í skoðun í dag í alpabænum Aosta þar sem hann var deyfður lítillega og gert að sárum hans.

Úlnliðsmeiðslin voru fyrsta heilsuógnin sem steðjað hefur að hans heilagleika í þau fjögur ár sem hann hefur þjónað í embætti. Benedikt páfi messaði í morgun, snæddi þá morgunverð og brá sér þá á spítalann vegna meiðslanna.

„Þetta er ekkert alvarlegt - engin ástæða til að hafa áhyggjur,“ sagði talsmaður Vatíkansins faðir Federico Lombardi.

Kona kyssir hönd páfa og heldur um úlnlið hans. Páfi datt í dag og hlúa þurfti að úlnliðnum heilaga. Reuters

• 2 blogg um fréttina

Bloggað um fréttina

• Einhver Ágúst: Téður úfliður snýr aftur
• Jóhannes Ragnarsson: Féll fyrir sjálfsfróunarfreistingunni