Obama hringir í lögreglumann

Barack Obama, Bandaríkjaforseti, sagði við blaðamenn í dag að hann sæi eftir orðum sínum þess efnis að lögreglumaðurinn sem handtók Harvard-prófsessorinn Henry Louis Gates hefði hagað sér „heimskulega“.

Prófessor Gates var handtekinn fyrir utan húsið sitt í Cambridge. Hann hafði gleymt lyklunum sínum og var að reyna að komast inn með öðrum leiðum.

Obama kom fram á blaðamannafundi í dag. „Ég tel að orðaval mitt hafi gefið til kynna að ég vildi rægja lögregluna í Cambrigde eða Crowley lögreglumann sérstaklega. Ég hefði getað notað annað orðaval.“

Einnig kom fram að Obama hefði hringt í James Crowley, lögreglumann í dag, og beðið hann afsökunar. „Ég sagði honum þó að það væri enn trú mín að lögreglan hefði brugðist of harkalega við með því að taka prófessor Gates höndum.“

• 1 blogg um fréttina

Bloggað um fréttina

• Stefán Friðrik Stefánsson: Obama hopar - byrjendaklúður í Hvíta húsinu