Þýskur barnaníðingur gaf sig fram

Barnaníðingur sem þýska lögreglan leitaði gaf sig fram síðdegis í gær. Lögreglan birti myndir af manninum, íbúðinni þar sem hann framdi glæpi sína auk raddsýna. Maðurinn gaf sig í kjölfarið fram en neitaði að gefa upp persónuupplýsingar við fyrstu yfirheyrslur. Hann verður áfram yfirheyrður í dag.

Maðurinn er grunaður um glæpi af ýmsum toga auk kynferðislegs ofbeldis gegn börnum. Hann verður að öllum líkindum ákærður fyrir framleiðslu barnakláms og dreifingu þess.

Lögregla fann 42 myndskeið á vefnum þar sem maðurinn beitir fimm til sjö ára pilta hrottalegu kynferðislegu ofbeldi og líkamlegu í einhverjum tilvikum. Níu drengir sáust á myndskeiðunum sem áætlað er að séu frá 2006. Maðurinn er talinn vera þýskur og heyrast piltarnir kalla hann Christof.

• 1 blogg um fréttina

Bloggað um fréttina

• Sigurður Þórðarson: Samviskulaus barnanauðgari náðist