Mikill skaði í Taívan

Í það minnsta 14 eru látnir og 51 er saknað í Taívan eftir að fellibylurinn Morakot varð valdur að verstu flóðum í sögu eyjunnar í hálfa öld. Stormurinn stefndi svo inn á meginland Kína þar sem nærri milljón manns hefur verið flutt frá heimilum sínum.

Í mið- og suðurhluta Taívan urðu miklar rigningar til þess að flóð og aurskriður lokuðu vegum og varð fólk því innlyksa í þremur strandbæjum. Mikil rigning er enn í Taívan og hafa yfirvöld varað við áframhaldandi aurskriðum. Að sögn þarlendrar fréttastofu er talið að um 200 heimili hafa grafist undir aur.

Fellibylurinn hefur valdið um 106,43 milljón dollara skaða á sviði landbúnaðar á meðan 110.000 hús voru rafmagnslaus og 850.000 heimili án vatns að sögn yfirvalda.

Björgunarlið flytur fólk frá hættusvæðum. Reuters

• 1 blogg um fréttina

Bloggað um fréttina

• Pálmi Freyr Óskarsson: China evacuates 1 million