Þrír Palestínumenn féllu

Þrír Palestínumenn létu lífið og sjö slösuðust er Ísraelsher gerði loftárás á göng sem herinn segir að hafi verið notuð til vopnasmygls frá Egyptalandi til Gasasvæðisins í morgun.

Fram kemur í yfirlýsingu Ísraelshers vegna málsins að árásin hafi verðið svar við flugskeytaárás Palestínumanna á Gasasvæðinu, yfir landamærin til Ísraels í gær, en einn Ísraeli slasaðist lítillega í árásinni.

Ríkisstjórn Ísraels hefur nú hótað því að svara hverri einustu flugskeytaárás frá Gasasvæðinu á Ísrael en 220 flugskeytum hefur verið skotið frá Gasasvæðinu yfir landamærin til Ísraels frá því þriggja vikna hernaðaraðgerðum Ísraela á Gasasvæðinu lauk þann 18. janúar.

• 1 blogg um fréttina

Bloggað um fréttina

• Vésteinn Valgarðsson: "sem herinn segir"