Ísraelar hyggjast stækka landnemabyggðir
Setja bókamerki
Ísraelsstjórn hefur lagt blessun sína yfir áætlanir Benjamins Netanyahus, forsætisráðherra landsins, að byggja ný hverfi á Vesturbakkanum, þrátt fyrir andstöðu Bandaríkjanna.
Talið er að um 700 íbúðir verði byggðar á landnemabyggðum gyðinga, að því er segir á vef BBC.
Á föstudag hvatti Bandaríkjastjórn Ísraela til að hætta við allar framkvæmdir á Vesturbakkanum, svo menn gætu einbeitt sér að því að stuðla að friði á meðal stríðandi fylkinga.
Talsmaður palestínsku Hamas-samtakanna segir að Barack Obama Bandaríkjaforseta hafi mistekist hvað varðar friðarviðræðurnar.
Um hálf milljón gyðinga býr í rúmlega 100 landnemabyggðum, sem hafa verið reistar frá því Ísraelar hertóku Vesturbakkann og Austur-Jerúsalem árið 1967. Skv. alþjóðalögum er um ólöglegar byggðir að ræða. Ísraelar halda hins vegar öðru fram.
Glódís Perla íþróttamaður ársins
Skjálftar í Bárðarbungu
Hægt að þétta byggð á betri hátt
Binda enda á 63 ára útgerðarsögu
„Engin auðveld leið“ til að takast á við netsvik
Vil ekki sjá eftir neinu í þessu lífi
Inflúensan sækir í sig veðrið
