Barnaníðingur skipaður prestur

Efnt var til mótmæla fyrir utan kirkju í Germantow í Bandaríkjunum á sunnudag eftir að dæmdur barnaníðingur, Mark Hourigan, hafði verið skipaður þar prestur. Hourigan hefur setið í fangelsi vegna kynferðislegs ofbeldis gegn börnum.

 „Guð veitir öllum annað tækifæri og það eigum við einnig að gera,“ sagði presturinn sem skipaði Hourigan í embætti hjá hvítasunnusöfnuðinum The City of Refuge Worship Center.

Hourigan kveðst hafa farið í tvö meðferðarprógrömm og lært að hafa stjórn á hugsunum sínum og tilfinningum. Hann var áður kvæntur og á börn. Eiginkonan skildi við hann þegar hann viðurkenndi ofbeldið.

Hinn nýskipaði prestur var leiðtogi unglingastarfs í kirkju baptista þegar hann var dæmdur 1998. Hann var látinn laus 2006.

• 3 blogg um fréttina

Bloggað um fréttina

• Arnar: Stundum skil ég ekki hvað menn eru að spá..
• Sverrir Þór Magnússon: Nice.
• Axel Jóhann Hallgrímsson: Auðvitað eiga menn að fá...