Rússlandsforseti segir spillta embættismenn stjórna

Forseti Rússlands, Dmitrí Medvedev, lýsti því yfir í dag í samræðum við rússneska sérfræðinga að Rússlandi væri stjórnað af spilltum embættismönnum. Sagði forsetinn að margir í viðskiptageiranum gerðu ekkert annað en að lifa af sölunni á náttúruauðlindum.

Medvedev hefur verið gagnrýndur fyrir að tala of mikið um þörf á umbótum og nýjungum án þess að grípa til aðgerða. Margir segja að spillingin hafi aukist í embættistíð hans.

Ummæli Medvedevs hafa vakið athygli þar sem almennt er talið að fyrrverandi forseti landsins, Vladimir Pútín sem nú er forsætisráðherra, sé valdameiri.

• 2 blogg um fréttina

Bloggað um fréttina

• Axel Þór Kolbeinsson: Sama og á Íslandi?
• Ólafur Ragnarsson: Skipstjórn og vodka