Bólusetning hafin í Svíþjóð

Bólusetning gegn svínaflensu hófst í dag í Svíþjóð. Starfsfólk háskólasjúkrahússins í Malmö varð fyrst til að fá bólusetningar og síðar í vikunni eða í byrjun þeirrar næstu verður boðið upp á bólusetningar á sjúkrahúsum og heilsugæslustöðvum um allt land. 

Sænsk stjórnvöld hafa lagt til hliðar 1 milljarð sænskra króna, jafnvirði 18 milljarða íslenskra króna, til að greiða fyrir bólusetninguna. Þær verða boðnar án endurgjalds.  Kannanir benda til þess, að 50-70% Svía ætli að láta bólusetja sig en stjórnvöld segja, að nauðsynlegt sé að bólusetja 80% landsmanna til að koma í veg fyrir flensufaraldur. Tveir hafa þegar látist í Svíþjóð af völdum svínaflensunnar.

Svíar keyptu 18 milljónir skammt af bóluefni hjá breska lyfjaframleiðandanum GlaxoSmithKline en nauðsynlegt kann að vera að bólusetja hvern einstakling tvisvar. Svíar eru 9,3 milljónir talsins. 

• 1 blogg um fréttina

Bloggað um fréttina

• Gunnar Th. Gunnarsson: Faraldur á Fáskrúðsfirði