Um 800 milljarðar dala fara til spillis

Fram kemur í nýrri skýrslu að gríðarlegir fjármunir fari til spillis í bandaríska heilbrigðiskerfinu. Þar segir að fyrirhugaðar endurbætur Baracks Obama Bandaríkjaforseta á kerfinu geti lagað þá þætti sem séu mjög óhagkvæmir, komið í veg fyrir mistök og barist gegn fjársvikum. Þetta segir í skýrslu Thomson Reuters, sem var birt í dag.

Fram kemur að á bilinu 505 til 850 milljarðar dala, sem renni til heilbrigðismála, fari til spillis á hverju ári. Í skýrslunni segir hins vegar að mörg tækifæri séu til staðar til að stöðva þessa blæðingu.

Meðal þess sem kemur fram er að læknamistök kosti á bilinu 50 til 100 milljarða dala á ári hverju.

Þá segir að vandamál tengd sykursýki, sem hægt sé að koma í veg fyrir, kosti á bilinu 30 til 50 milljarða á ári.

Ríflega þriðjungur af sóuninni fer í ofnotkun á sýklalyfjum og vísindarannsóknir til að koma í veg fyrir að heilbrigðisstarfsmenn verði sóttir til saka fyrir mistök í starfi. Þetta gerir um 200 til 300 milljarða dala árlega.

Um 22% eyðslunnar tengist fjársvikum í heilbrigðiskerfinu. Þetta gera um 200 milljarða dala. Margir reyna að svíkja út tryggingafé. Þá eru mútur, óþarfa þjónusta og annað svindl hluti af sóuninni.

• 1 blogg um fréttina

Bloggað um fréttina

• Jakobína Ingunn Ólafsdóttir: Fyrirmynd Íslands