Herskip smíðað úr stáli Tvíburaturnanna
Setja bókamerki
Bandarískt herskip, sem er smíðað úr stáli úr Tvíburaturnunum sem féllu fyrir átta árum, lagðist að höfn í New York í dag. Skipið, USS New York, sigldi upp Hudson fljót og fram hjá Ground Zero, þar sem turnarnir stóðu. Þar var skotið 21 fallbyssuskoti til að heiðra minningu sem létust.
Ættingjar þeirra sem létust í hryðjuverkaárásunum 11. september árið 2001 fylgdust með siglingunni, auk björgunarsveitarmanna og almennings.
Bandaríski sjóherinn mun víga skipið með formlegum hætti nk. laugardag. Skipið var smíðað í Louisiana þaðan sem það lagði af stað fyrir þremur vikum.
Í stafni skipsins eru 7,5 tonn af bræddu stáli úr Tvíburaturnunum. Á skipinu er mynd af turnunum og litir deildanna sem fóru fyrsta á vettvang eftir árásirnar.
USS New York sést hér sigla undir Verrazano-Narrows brúna að höfninni í New York.
Reuters
Fjölmargir fylgdust með þegar USS New York sigldi upp Hudson í dag.
Reuters
„Það vantar bara brjóstin og gleraugun á Loga“
Á þriðja hundrað strikuðu yfir eða færðu Þórð
Evrópumál voru ekki til umræðu
Kristrún komin með umboð
Voru með 5 sjúkrabíla í verkefnum á brautinni
Kristrún, Þorgerður og Inga funda kl. 15
Halla og Kristrún funda á Bessastöðum í dag
Fundurinn hófst með söng: „Við stöndum þétt saman“
