Nýnasistar kveðnir í kútinn

Yfirvöld í Þýskalandi tilkynntu í dag að þau væru búin að banna starfsemi nýnasistahreyfingar sem sem nýlega komu fram opinberlega klæddir í svarta einkennisbúninga að hætti stormsveita Hitlers.

Lögreglan gerði rassíu á heimilum meðlima í dagrenningu í dag, en hreyfingunni, sem kallast Frontmann 24, vex mjög fiskur um hrygg þessa dagana og er sú sem örast stækkar í Berlín. Hún er nú með um 50 meðlimi en er sögð vera að stækka hratt.

„Bannið ætti að skoðast sem hluti af markvissri baráttu gegn öfgahægrihreyfingum í Þýskalandi og sem mikilvægt skref til þess að vernda okkar frjálslyndu og lýðræðislegu stjórnskipan," segir Ehrhart Koerting, innanríkisráðherra Berlínar.

Nafnið hefur hreyfingin tekið sér eftir framámanni í stormsveitum Hitlers. Hún hefur nú þegar staðið fyrir útgáfu prentefni sem er mógðandi við innflytjendur og gyðinga.

• 5 blogg um fréttina

Bloggað um fréttina

• Einhver Ágúst: Þeir lærðu af reynslunni
• Axel Þór Kolbeinsson: Öfgasamtök og tjáningarfrelsi
• Arngrímur Stefánsson: Fasismi
• Skúli Víkingsson: SS ekki stormsveitir
• Héðinn Björnsson: Frontbann 24 / Frontmann 24