Bandaríska þjóðin syrgir

Barack Obama varaði við því í dag að fólk hrapaði að ályktunum um hvað olli því að 39 ára gamall geðlæknir í hernum framdi fjöldamorð í Fort Hood herstöðinni og myrti 13 manns og særði aðra 30 í gær. 

Nidal Malik Hasan er geðlæknir og sérfræðingur í vígvallastreitu. Hann er múslimi og átti að senda hann til Afghanistan gegn vilja hans. Skömmu síðar gekk fyrrverandi starfsmaður berserksgang í skrifstofubyggingu í Orlando í Florida og skaut einn til bana og særði sex aðra áður en hann var handtekinn.

Menn veltu því fyrir sér í dag í Fort Hood herstöðinni hvort hinn meinti skotmaður Hasan hafi kiknað undan þeirri byrði að veita þúsundum stríðshrjáðra hermanna ráðgjöf, eða hvort hann var knúinn af dýpri sannfæringu.

Obama sagði að mikil rannsókn væri hafin. „Við þekkum ekki öll svörin enn og ég vil vara við því að menn hrapi að ályktunum áður en allar staðreyndir málsins eru þekktar,“ sagði forsetinn.

„Við vitum fyrir víst að fjölskyldur þeirra, vinir og öll þjóðin syrgir á þessari stundu mikilsvirta karla og konur sem urðu fyrir árásinni,“ sagði Obama.

Fáninn á Hvíta húsinu var dreginn í hálfa stöng til að minnast þeirra sem féllu í skotárásinni í Fort Hood. Reuters

• 3 blogg um fréttina

Bloggað um fréttina

• Ómar Ragnarsson: Dapurleg dökk hlið.
• Ólafur Þórðarson: Hrapa að ályktunum...
• Hansína Hafsteinsdóttir: Á jörðu sem á himni?