Danskur blaðamaður týndur í Íran

Danskur blaðamaður er horfinn eftir óeirðirnar í Teheran, höfuðborg Írans, í vikunni. Hinn 31 árs gamli Niels Krogsgård hefur ekki sést síðan á miðvikudag, en leit stendur yfir. Danska utanríkisráðuneytið segir yfirvöld þar í landi hafa verið látin vita og þau séu að leita að Krogsgård.

Hann er lærður kennari og er í Íran að gera lokaverkefni í fjölmiðlafræði með samstarfsmanni sínum, hann hefur áður verið í læri hjá Berlingske Tidende, sem greinir frá þessu í dag.

Þegar Krogsgård mætti ekki í verkefni á miðvikudag lét félagi han, Henrik Fallesen, lýsa eftir honum. Einmitt á miðvikudag voru átök í borginni og mikil mótmæli stjórnarandstæðinga gegn ríkisstjórn Mahmouds Ahmadinejads og klerkaveldinu.

AFP fréttastofan greinir frá því í dag að fjórir blaðamenn hafi verið handteknir á miðvikudag, þegar óeirðirnar voru, fyrir að vera að segja fréttir af atburðunum, án þess að hafa til þess leyfi. Meðal annars voru einn japanskur, einn íranskur og tveir kandadískir blaðamenn handteknir.

• 1 blogg um fréttina

Bloggað um fréttina

• Jakob Falur Kristinsson: Týndur Dani