Gates bannar myndbirtingar af misþyrmingum

Robert Gates, varnarmálaráðherra Bandaríkjanna, hefur komið í veg fyrir frekari myndbirtingar af misþyrmingum bandarískra hermanna á erlendum föngum.

Bandaríkjastjórn fór fram á það við Hæstarétt Bandaríkjanna í gær að myndbirtingarnar yrðu stöðvaðar.

Um er að ræða 40 ljósmyndir, en hluti þeirra af föngum sem bandarískir hermenn misþyrmdu í Afganistan og Írak.

Í síðasta mánuði veitti Bandaríkjaþing Gates völd til þess að koma í veg fyrir myndbirtingarnar, en samþykkt voru lög þess efnis sem Bandaríkjaforseti staðfesti með undirskrift sinni.

Talsmaður bandaríska varnarmálaráðuneytisins segir að bannið varði ljósmyndir sem verið sé að skoða í tengslum við rannsókn á meintum misþyrmingum á föngum erlendis, þ.e. frá 11. september 2001 til 22. janúar 2009.

• 2 blogg um fréttina

Bloggað um fréttina

• Gísli Foster Hjartarson: Kannski ekki þörf.....
• Sigurbjörn Friðriksson: Obama virðist ekki skömminni skárri en fyrirrennari hans.