Engin bindandi takmörk á losun

Ekki mun takast á semja á væntanlegum loftslagsfundi í Kaupmannahöfn um bindandi takmörk á losun koldíoxíðs, eins og stefnt var að. Leiðtogar APEC, Efnahagssamtaka ríkja við Kyrrahaf um helgina felldu niður ákvæði sem var í drögum að lokayfirlýsingu um að minnka losun um helming fyrir 2050.

 Fundur Sameinuðu þjóðanna um loftslagsmál verður í desember og var stefnt að því að taka þar upp þráðinn frá því Kyoto-sáttmálinn gegn losun gróðurhúsaloftegunda var samþykktur. Bandaríkjamenn hafa neitað að samþykkja bindandi takmörkun nema Kína, Indland og önnur þriðjaheimsríki, sem losa mikið af efninu í andrúmsloftið, taki þátt í aðgerðinni.

• 1 blogg um fréttina

Bloggað um fréttina

• Loftslag.is: Nokkur lykilatriði um loftslagsfundinn