Stökkbreytt svínaflensuveira
Setja bókamerki
Norskir vísindamenn hafa greint stökkbreytta svínaflensuveiru, sem fannst í tveimur sjúklingum, sem létust af völdum sjúkdómsins þar í landi og einum sem veiktist mjög alvarlega en náði sér aftur.
Blaðið Aftenposten hefur eftir norska landlæknisembættinu, að ekki sé ástæða til að ætla annað en að bóluefni, sem framleitt hefur verið við svínaflensu, og veirulyf á borð við tamiflu, virki á stökkbreytta veiruafbriðgið.
Sýni úr sjötíu norskum sjúklingum voru rannsökuð í rannsóknarstofu Alþjóðaheilbrigðisstofnunarinnar í Lundúnum en átta þessara sjúklinga þeirra létust af völdum sjúkdómsins. Stökkbreytta veiran fannst í þremur sýnum eins og áður sagði.
Stökkbreytta veiran grefur sig lengra niður í öndunarveginn en venjulega svínaflensuveiran og veldur alvarlegri veikindum. Sérfræðingar telja hins vegar að breytta veiruafbrigðið sé ekki eins smitandi.
Hraun fór yfir Grindavíkurveg
Gosið gæti varað lengur: Meiri fyrirstaða í gosrásinni
Átti ekki að láta pirring bitna á sjúklingi
Á algjöru frumstigi eftir þrjár vikur af verkfalli
Einar skorar á næstu ríkisstjórn
Hvað gerðist eiginlega í VMA?
Tekist á um áður óþekkta skýrslu landlæknis
Úlfar: Heppileg tímasetning á gosinu