Vissu að Saddam ætti líklega ekki nothæf efnavopn

Bretar fengu upplýsingar um það nokkrum dögum fyrir innrásina í Írak árið 2003, að Saddam Hussein hefði getu til þess að beita efnavopnum.

Greint er frá þessu á fréttavef BBC.

William Ehrman, embættismaður hjá utanríkisráðuneyti Bretlands hefur tjáð rannsóknarnefnd sem er að vinna skýrslu um Íraksstríðið, að upplýsingarnar hefðu verið á þá leið að efnavopnin hefði verið ,,tekin í sundur”. Einnig að Írakar hefðu ekki yfir sprengjuoddum að ráða, sem gætu dreift eiturefnum í hernaðarskyni.

Ehrman varði hins vegar innrásina í Íraks í yfirheyrslu hjá nefndinni, en hann var yfirmaður varnar- og upplýsingamála 2002 til 2004. Hann sagði að vægi leynilegra upplýsinga í þeirri ákvörðun að lýsa yfir stríði hafi verið „takmarkað”. Hann sagði jafnframt að það hefði komið á óvart að aldrei hefðu fundist nein gereyðingarvopn í Írak.

Í dag var annar dagurinn sem rannsóknarnefndin framkvæmir opinberar yfirheyrslur og er nefndin nú sérstaklega að skoða hernaðargetu Íraks fyrir innrás og áhrif hennar á þá ákvörðun að ráðast inn í landið.

• 3 blogg um fréttina

Bloggað um fréttina

• el-Toro: Olía, vopnaframleiðsla og....
• Jón Pétur Líndal: Var þetta sanngirni og góðvilji gagnvart Saddam Hussein og Írak?
• Haukur Brynjólfsson: Hinir trúgjörnu