39 létust í lestarslysi

Að minnsta kosti 39 lét­ust þegar rúss­nesk lest fór út af spor­inu á milli Moskvu og Pét­urs­borg­ar. Um 100 manns slösuðust. Um 660 manns voru í lest­inni. Grun­ur leik­ur á að rekja megi or­sak­ir slyss­ins til skemmd­ar­verks.

Fjór­ir lest­ar­vagn­ar fóru út af spor­inu. Ljóst þykir að lít­ill gíg­ur var á slysstaðnum sem ýtt hef­ur und­ir vanga­velt­ur um að tein­arn­ir hafi verið sprengd­ir í loft upp. Árið 2007 voru lest­artein­ar skemmd­ir með spreng­ingu á þess­ari sömu leið. Þá slösuðust um 30 manns.

Haft er eft­ir vitn­um á slysstað að þau hafi heyrt háan hvell skömmu áður en vagn­arn­ir fóru út af spor­inu.

• 1 blogg um frétt­ina

Bloggað um frétt­ina

• Val­geir Hall­v­arðsson: Lest­ar­slys?