Fundu fimmtíu nálar í tveggja ára dreng

Læknar á sjúkrahúsi í norðausturhluta Brasilíu kölluðu til lögreglu eftir að þeir fundu fimmtíu saumnálar við röntgenmyndatöku á tveggja ára dreng. Móðir barnsins gat engar skýringar gefið á nálunum og læknar telja að hann hafi ekki gleypt þær.

Fjölskylda drengsins fóru með á sjúkrahúsið Barreiras í Bahia-fylki á sunnudag en þá var ástand hans talið alvarlegt. Móðir hans sagði drenginn hafa kvartað undan magaverkjum auk þess sem hann hafði kastað upp.

Drengurinn var lagður inn á gjörgæsludeild og eftir röntgenmyndatöku kom í ljós hvers kyns var. Ein nálanna gerði gat á lunga drengsins. Nálarnar fundust í hálsi, fótum og kviðarholi. Talið er að þeim hafi verið stungið undir húð drengsins.

Móðir drengsins sagði lögreglu síðar að afi drengsins gætti hans reglulega á meðan hún væri í vinnu.

Haft er eftir forstjóra spítalans í brasilískum fjölmiðlum að drengurinn þurfi að öllum líkindum að lifa með margar nálanna. Aðeins þær sem hafa valda honum vandræðum verði fjarlægðar.

• 1 blogg um fréttina

Bloggað um fréttina

• Þorsteinn Jónas Skjóldal Haraldsson: Afi alveg á nálum yfir barnabarninu