Jarðskjálfti við Indónesíu

Jarðskjálfti, sem mældist 6,7 stig á Richter, varð í morgun undan Malukueyjum í Indónesíu. Ekki hafa borist fréttir af manntjóni eða flóðbylgjum. Fimm ár eru í dag liðin frá því jarðsjálftar við Indónesíu ollu mikilli flóðbylgju sem varð um 250 þúsund manns að bana í löndum við Indlandshaf. 

Að sögn talsmanns indónesísku jarðvísindastofnunarinnar voru upptök sjálftans á miklu dýpi undir hafsbotninum og því er ólíklegt að hann muni valda neinum usla.  

Í Indónesíu og Taílandi og víðar við Indlandshaf fara í dag fram athafnir til að minnast fórnarlamba flóðbylgjunnar.  

Íbúar í Aceh héraði í Indónesíu æfa viðbrögð við flóðbylgjum í dag. Reuters

• 1 blogg um fréttina

Bloggað um fréttina

• Birgitta Jónsdóttir: Í minningu fórnarlamba flóðbylgjunnar