Króatískir bankamenn handteknir

Lögregla í Króatíu hefur handtekið þrjá fyrrum yfirmenn í þarlendum ríkisbanka sem grunaðir eru um að hafa veitt óhófleg lán án þess að nægar tryggingar væru fyrir hendi. Fjórir forsvarsmenn fyrirtækja, sem fengu lán í bankanum, voru einnig handteknir.

Josip Protega, fyrrum forstjóri Postanska Banka, var í dag handtekinn þegar hann kom heim frá Slóveníu en hann var í jólafríi í Austurríki. Hinir sex voru handteknir á miðvikudag og lögregla gaf út alþjóðlega handtökuskipun á hendur Protega. 

Bankastjórinn fyrrverandi er sakaður um að hafa veitt vildarvinum þáverandi stjórnvalda lá upp á að minnsta kosti 170 milljónir kuna, jafnvirði rúmlega 4,1 milljarðs króna, án þess að viðunandi veð væru fyrir hendi.  

Innanríkisráðuneyti landsins segir, að sjömenningarnir séu grunaður um glæpsamlegt athæfi í tengslum við áhættustýringu.  

Protega stýrði bankanum frá árinu 2004 til ágúst á síðasta ári þegar honum var vikið frá störfum.

Barátta gegn spillingu var eitt af skilyrðunum, sem Evrópusambandið hefur sett eigi landið að fá aðild að sambandinu fyrir árið 2012.

• 3 blogg um fréttina

Bloggað um fréttina

• Guðmundur Ásgeirsson: Tvö orð
• Jón Pétur Líndal: Samspillingin í vanda.
• Axel Jóhann Axelsson: Hvað tefur hérlendis?