Fækkun kjarnorkuvopna í augsýn

Bandarísk og rússnesk stjórnvöld hafa náð samkomulagi um að fækka mjög kjarnorkuvopnum í sinni eigu, að því er dagblaðið Wall Street Journal greindi frá í dag.

Þar segir að samningamenn landanna tveggja um afvopnunarmál  hafi náð „samkomulagi í meginatriðum“ um fyrsta sáttmálann um fækkun kjarnorkuvopna í nærri tvo áratugi. Wall Street Journal hafði þetta eftir embættismönnum í stjórnsýslunni og vopnaeftirliti.

Samningurinn mun kveða á um að virkum kjarnorkuvopnum verði fækkað úr 2.200 eins og stefnt var að 1991 í 1.500 til 1.675 vopn. Þá verði flutningsförum fyrir kjarnorkuvopn fækkað í 700 - 800 hjá hvorri þjóð um sig. 

Gordon Duguid, talsmaður bandaríska utanríkisráðuneytisins, vildi ekki staðfesta fréttina. 

• 3 blogg um fréttina

Bloggað um fréttina

• Ómar Ragnarsson: Það þarf meira, miklu meira.
• Axel Jóhann Hallgrímsson: Vissulega jákvætt og skref í rétta átt....
• Gísli Reynisson: met...