Synjað um borgararétt í Frakklandi vegna hjúpslæðu

Franska stjórnin hefur synjað manni af ótilgreindu þjóðerni um franskan ríkisborgararétt á þeirri forsendu að hann neyddi eiginkonu sína til að hylja sig með hjúpslæðu.

Maðurinn þurfti á ríkisborgararétti að halda til að mega dveljast í Frakklandi með franskri konu sinni. Um slíkan rétt synjaði Eric Besson ráðherra innflytjendamál honum í gær.

Besson rökstuddi það með því að maðurinn svipti konuna því frelsi að geta farið um án þess að þurfa hylja höfuðið. Að hans fyrirmælum neyddist hún til þess að hylja líka sinn frá hvirfli til ilja.

Þá sagði Besson, að frönsk gerðu ráð fyrir því, að þeir sem vildu setjast að í landinu yrðu að sýna vilja til aðlögunar frönsku samfélagi. Samkvæmt upplýsingum ráðuneytisins klæðast einungis um 1.900 konur hjúpslæðum í landinu.

Í síðustu viku lagði þingnefnd til að bannað yrði með lögum að hylja líkama sinn með blæjum.

Í hitteðfyrra, 2008, synjaði franskur dómstóll konu frá Marokkó um franskt ríkisfang á þeirri forsendu, að „róttæk“ trúariðkan hennar færi ekki saman við frönsk samfélagsgildi.

• 2 blogg um fréttina

Bloggað um fréttina

• Ragnar Birkir Bjarkarson: klapp fyrir Frakklandi
• Sólveig Rós: Frakkar á villigötum