Lokaði 13 ára stúlku inni og nauðgaði henni

Maður frá New York-ríki hefur verið handtekinn grunaður um að hafa nauðgað 13 ára stúlku. Maðurinn er talinn hafa lokað stúlkuna inni á heimili sínu í sex mánuði.

Maðurinn heitir Michael J. Abdallah og er 26 ára gamall. Hann hefur játað að hafa nauðgað stúlkunni. Lögreglan segir að maðurinn hafi haldið stúlkunni fanginni á heimili sínu frá því í júlí sl. fram í desember. Hann er sagður hafa nauðgað stúkunni meira en 100 sinnum á þessu tímabili.

Maðurinn var handtekinn í dag. Lögreglan hefur ekki gefið upplýsingar um hvernig stúlkan slapp frá manninum í desember.

Ásakanir á hendur manninum koma nágrönnum hans mjög á óvart.

• 1 blogg um fréttina

Bloggað um fréttina

• Adda Guðrún Sigurjónsdóttir: Þvílíkur viðbjóður!