Hryðjuverkaárásirnar „haugalygi"

Mahmud Ahmadinejad, forseti Írans, sagði í dag að hryðjuverkaárásirnar á Bandaríkin árið 2001 væri  „haugalygi" runnin undan rifjum bandarískra njósnastofnana svo hægt væri að ráðast inn í Afganistan undir því yfirskyni að það þyrfti að brjóta hryðjuverkaöfl á bak aftur.

Ahmadinejad hefur nokkrum sinnum áður lýst efasemdum um að hryðjuverkamenn á vegum al-Qaeda samtökunum hefðu staðið fyrir árásunum á New York og Washington þar sem nærri 3000 manns létu lífið. 

Íranska sjónvarpið hafði einnig eftir forsetanum í kvöld, að árásirnar á turna World Trade Center í New York hefðu verið sviðsettar af bandarískum leyniþjónustustofnunum. 

Ahmadinejad sagði í janúar, að árásirnar 11. september væru grunsamlegt mál, svipuð og helförin, sem forsetinn hefur lýst sem goðsögn.

• 2 blogg um fréttina

Bloggað um fréttina

• Ívar Örn Heimisson: Enda eru þær haugalygi, hriðjuvekin voru framinn af innanbuðarmönnum
• Axel Jóhann Hallgrímsson: Er Mahmud Ahmadinejad til?