Ísbjörn á rölti við blokkirnar
Ísbjörninn, sem skotinn var í Skagafirði hætti sér ekki jafn nálægt mannabyggð og frændi hans í Paamiut.
mbl.is
Setja bókamerki
Ísbjörn var felldur í morgun í bænum Paamiut á Grænlandi. Fullvaxinn karlbjörn sást á vappi innan um fjölbýlishús í bænum, að sögn grænlenska útvarpsins KNR. Haft var samband við veiðimenn í bænum. Siverth Knudsen felldi björninn og þykir það happafengur þar í landi.
Veiðimennirnir segja ísbjarnaheimsóknir sjaldgæfar þar í bæ. Bæjarbúar fylgdust spenntir með og krakkarnir fengu frí í skólanum til að skoða björninn. Knudsen veiðimaður sagði spenninginn ekki nándar nærri jafn mikinn þegar þeir veiði hval.
Rannsaka á hvort tríkína er í ísbjarnarkjötinu áður en leyft verður að bjóða það til sölu. Feldurinn mun enda uppi á vegg hjá Siverth Knudsen bjarndýrabana.
Beint: Ný ríkisstjórn tekin við völdum
„Börn heima sem maður myndi vilja hafa í skjóli“
„Tímabil aukinnar eldvirkni“
Fyrsti blaðamannafundurinn í heild sinni
Skattamál verði líklega „þeirra mesta klemma“
Bjarni: „Útilokað að þetta geti gengið upp“
