Afvopnunarsamningur Bandaríkjanna og Rússlands langt kominn

Barack Obama, forseti Bandaríkjanna, og Dimitrí Medvedev, forseti Rússlands, eru nálægt því að ná samkomulagi um afvopnun kjarnavopna, að því er AFP-fréttastofan hefur eftir rússneskum stjórnvöldum í Kreml.

Samningamenn þjóðanna hafa undanfarið hist í Genf í Sviss til að ræða framhald START afvopnunarsamkomulagsins, sem undirritað var í lok kalda stríðsins við upphaf tíunda áratugar síðustu aldar, og sem rann út um  síðustu áramót.

Hafa forsetarnir báðir lýst yfir mikilli ánægju með þann mikla undirbúning sem farið hefur í nýja samninginn. Mikil áhersla hefur verið lögð á að föst tímasetning verði sett á að samningsdrög liggi fyrir  

Medvedev og Obama „samþykktu að veita samninganefndunum frekari  útlistun,“ með það í huga að samningsgerðinni verði lokið, sagði í yfirlýsingu frá Kreml.

Arftaki START samningins hefur verið ofarlega á forgangslista Obama í utanríkismálum, enda er nýr samningur talinn geta stutt við hugmyndir forsetans um kjarnavopnalausan heim.

• 3 blogg um fréttina

Bloggað um fréttina

• Þórbergur Torfason: Mistök.
• Ívar Örn Heimisson: Þetta er eitt mesta bull sem ég hef lesið
• Anna Sigríður Guðmundsdóttir: Ef það getur einhver stuðlað að friði í heiminum er …