Minnka á bil milli fátækra og ríkra Kínverja

Bilið milli hinna fátæku og ríku í Kína hefur sjaldan verið meira samkvæmt skýrslu sem unnin var fyrir þarlend stjórnvöld og samþykkt á kínverska þinginu, sem lauk í Peking í dag.

Í skýrslunni er kallað eftir aðgerðum til að draga úr fátækt á vissum svæðum í landinu, einkum til sveita. Nauðsynlegt sé að minnka bilið á milli ríkra og fátækra. Hefur bilið á milli borgarsvæða og hinna dreifðu byggða ekki verið meira frá árinu 1970.

Hyggjast kínversk stjórnvöld ætla að auka velferð fátækra svæða og verja meiri fjármunum til uppbyggingar þar. Töldu margir þingmenn að skýrslan gæti verið gott innlegg í umræðuna og gæti aukið jöfnuð á ný meðal Kínverja. Allir stjórnmálaflokkar í landinu þyrftu að sameinast í því verkefni.

Af um 2.900 þingmönnum kínverska þingsins samþykktu um 2.800 efni skýrslunnar.

• 4 blogg um fréttina

Bloggað um fréttina

• Ívar Pálsson: Um bilið á milli ríkra og fátækra
• Brjánn Guðjónsson: Bilið milli ríkra og fátækra
• Gísli Foster Hjartarson: Markmið fyrir Ísland líka
• Ásgrímur Hartmannsson: Auðvitað eykst bilið