Nýsjálendingar íhuga að styðja lok hvalveiðibanns.

Nýsjálendingar munu nú vera að íhuga stuðning sinn við þá hugmynd Alþjóðahvalveiðiráðsins að leyfa takmarkaðar hvalveiðar en jafnframt draga úr fjölda þeirra hvala sem veiddur er á hverju ári í vísindaskyni. Með því færðust vísindaveiðarnar undir hatt ráðsins en Japanir og Norðmenn hafa ásamt Íslendingum stundað hvalveiðar í vísindaskyni.

Í grein sem birt er á vef New Zealand Herald er bent að slíkt væri óneitanlega mikill viðsnúningur hjá þjóð sem hefur alltaf stutt við verndun hvala. Sir Geoffrey Palmer, fulltrúi Nýsjálendinga í ráðinu sem vann að samningsdrögunum viðurkennir að fyrir marga landa sína jafngildi slíkur viðsnúningur því að þeir „gleyptu dauða rottu.“

Er í greininni bent á að vegna  þess hve viðkvæmt málið sé fyrir marga Nýsjálendinga mætti búast við að áður en ákvörðun um slíka stefnubreytingu væri tekin þyrfti að fara fram öflug umræða á opinberum vettvangi.

Utanríkisráðherra landsins, Murray McCully hefur heitið því að Nýsjálendingar fái að koma sínum sjónarmiðum á framfæri áður en endanlega afstaða verði tekin til málsins, þó ekki sé enn ljóst hvernig staðið verði að því að auðvelda almenningi að koma skoðunum sínum þar að lútandi á framfæri.

Grein NZherald

Hvalveiðiskip Hvals hf. í Reykjavíkurhöfn. Ómar Óskarsson

• 1 blogg um fréttina

Bloggað um fréttina

• Gísli Gíslason: Leyfa veiðar til að banna veiðar ?