Kínverjar með augastað á Íslandi

Kínverjar hafa hug á að fjárfesta á Íslandi, að mati Williams Underhill dálkahöfundar Newsweek. Til vitnis um það nefnir hann stækkun sendiráðs Kína í Reykjavík og fjölda fyrirspurna frá Kína um fjárfestingar hér á landi.

Underhill segir að Kínverjar hafi orðið þekktir fyrir erindrekstur sinn, sérstaklega gagnvart þróunarlöndum sem eigi miklar auðlindir. Nú virðist sem stjórnvöld í Peking hafi Evrópu fyrir augum. Nýjasta áhugaefnið í þeim efnum sé Ísland, sem rambi á barmi gjaldþrots. 

Underhill segir að fjárfestingastefna Kínverja endurspegli langtímahugsun. Samkvæmt nýlegri skýrslu frá Alþjóðlegu friðarrannsóknastofnuninni í Stokkhólmi hafi kínversk stjórnvöld áhuga á nýjum siglingaleiðum um Norður-Íshafið þegar hafísinn bráðnar. Það muni stytta siglingatímann til Norður-Ameríku og Evrópu.

Kínverjar eru nú þegar með rannsóknastöð í Noregi sem rannsakar Norðurheimskautssvæðið.  Einnig áforma þeir að verja 300 milljónum dollara til smíði á nýjum ísbrjóti.

Pistill William Underhill í Newsweek

• 5 blogg um fréttina

Bloggað um fréttina

• Axel Jóhann Axelsson: Kínverska efnahagsaðstoð í stað AGS
• Jóhann Elíasson: VAXANDI UMSVIF KÍNVERJA Á ÍSLANDI...................
• Guðmundur Júlíusson: Kínverjar geta lyft Íslandi upp úr lægðinni!
• Gísli Foster Hjartarson: Komi þeir fagnandi
• Þorsteinn Valur Baldvinsson: Hugsum lengra en um morgundaginn