Harður jarðskjálfti í Mexíkó

Jarðskjálfti, sem mældist 7,2 stig, varð í Baja Californina í Mexíkó í kvöld. Fannst skjálftinn vel í Kalíforníu og segir  Fríða Callaghan, sem býr í San Diego, að húsgögn hafi gengið til í húsi hennar. Ekki er talið að manntjón hafi orðið eða miklar skemmdir á mannvirkjum.

Fríða segir í tölvupósti til mbl.is, að hús hennar hafi skolfið og hún hafi hlaupið út í garð með hundinn sinn. Allar myndir hafi skekkst á veggjum, það glamraði í skápum og ljósakrónur sveifluðust. Engan hafi þó sakað.

Skjálftinn fannst einnig í Los Angeles og Las Vegas í Arizona, að því er kom fram á vef Los Angeles Times. Slökkvilið í Los Angeles fékk hjálparbeiðnir vegna fólks sem lokaðist inni í lyftum sem stöðvuðust.

• 3 blogg um fréttina

Bloggað um fréttina

• Haraldur Haraldsson: Harður jarðskjálfti í Mexíkó/þær heldur áfram þessar nátturuhamfarir !!!!
• Guðmundur Júlíusson: Harður skjálfti í Mexicó í kvöld upp á um 7 …
• Jóna Kolbrún Garðarsdóttir: Fréttir af jarðskjálftanum á ensku