Segir hryðjuverkamenn hafa stuðlað að óeirðum

Forsætisráðherra Taílands sagði í morgun, að hryðjuverkamenn hefðu stuðlað að mannskæðum óeirðum í höfuðborginni Bangkok um helgina.  21 lét lífið og yfir 800 særðust í átökum í borginni.

„Það er ljóst, að hryðjuverkamenn beittu óbreyttum borgurum til að hvetja til uppþota og vonast til að fá með þeim hætti fram breytingar á þjóðskipulagi okkar," sagði Abhisit Vejjajiva, forsætisráðherra, í sjóvarpsávarpi.

„Við þurfum að greina saklaust fólk frá hryðjuverkamönnum og síðan getum við gripið til frekari aðgerða. Hann sagði að stjórnmálakerfi landsins muni fjalla um  friðsamlegar  kröfur almennra mótmælenda um lýðræði. 

• 1 blogg um fréttina

Bloggað um fréttina

• Bogi Jónsson: Þeim svíður sem undir mígur