Þjóðverjar samþykkja viðræður við Ísland

Þýska þingið, Bundestag, lagði í dag blessun sína yfir að Evrópusambandið hefji eins fljótt og kostur er viðræður við Ísland um inngöngu í sambandið. Þingið hvatti Íslendinga jafnframt til að ná þverpólitískri samstöðu um að uppfylla skilyrði inngöngu í sambandið.

Í umræðum á þinginu benti sósíaldemókratinn Michael Roth á að jákvætt væri að fá stærstu fiskveiðiþjóð Evrópu inn í sambandið. Michael Link hjá Frjálslynda lýðræðisflokknum sagði að Íslendingar gætu komið sambandinu að gagni við varnarmál í norðvestanverðri álfunni.

Þá hrósaði Andrej Hunko frá Vinstriflokknum viðbrögðum Íslendinga við fjármálakreppunni og fagnaði sérstaklega strangari regluverki um fjármálalífið.

• 3 blogg um fréttina

Bloggað um fréttina

• Axel Jóhann Axelsson: Íslendingar uppfylli skilyrði um inngöngu í ESB
• Guðmundur Jónas Kristjánsson: Kæru Þjóðverjar! Dank! En við ætlum að vera áfram frjáls …
• Gísli Foster Hjartarson: Þá er bara....