Wakefield sviptur læknaleyfinu

Breska læknaráðið, GMC, hefur svipt læknirinn Andrew Wakefield, sem hélt því fram að samband væri á milli bólusetningar og einhverfu, starfsleyfi til lækninga. Læknaráðið komst að þeirri niðurstöðu að Wakefield hefði brotið ófár reglur við rannsókn sína. Búist er við að Wakefield áfrýji sviptingunni til dómstóla.

Wakefield hélt því fram í grein í breska læknatímaritinu Lancet árið 1998 að samband væri á milli bólusetningar gegn mislingum, rauðum hundum og hettusótt. Þetta skaut foreldrum víða um heim skelk í bringu og verulega dró úr bólusetningunum með þeim afleiðingum að mislingar, sem áður höfðu vart sést, blossuðu upp að nýju og ollu dauða eða miklum skaða hjá mörgum börnum.

Seinna kom í ljós að greinin byggðist á fölsuðum rannsóknarniðurstöðum og aðrar rannsóknir benda til þess að ekkert samband sé á milli slíkrar bólusetningar og einhverfu. Ennfremur kom í ljós að Wakefield var á mála hjá lögmanni sem hugðist lögsækja framleiðendur bóluefnanna fyrir hönd nokkurra fjölskyldna vegna gruns um þau hefðu valdið einhverfu hjá börnum þeirra.

Læknaráðið segir hann hafa „misnotað trúnaðarstöðu sína“ sem læknir, sýnt „kaldrifjað skeytingarleysi“ og smánað læknastéttina.

• 1 blogg um fréttina

Bloggað um fréttina

• Véfréttin: Sorglegur fréttaflutningur