Kína stendur með S-Kóreu undir rós
Setja bókamerki
Kínverjar munu „ekki verja þann“ sem sökkti suður-kóresku herskipi í mars, að sögn forsætisráðherrans Wen Jiabao. „Kína fordæmir allar aðgerðir sem grafa undan friði og stöðugleika á Kóreuskaga," er haft eftir Wen í opinberri heimsókn hans til Seúl.
S-Kórea segist hafa óhrekjanlega sannanir fyrir því að N-Kórea hafi skotið tundurskeyti að Cheonan herskipinu í mars með þeim afleiðingum að það sökk og 46 sjóliðar dóu. Yfirvöld í Peking eru undir þrýstingi um að taka afstöðu gegn Norður-Kóreu í málinu en hafa ekki tekið gildar niðurstöður sjálfstæðrar rannsóknar á atvikinu.
Fréttaritari BBC í Seoul segir að tregi Kínverja til að fordæma fyrrum bandamenn sína í N-Kóreu hafi skapraunað mjög forseta S-Kóreu, Lee Myung-bak. Sumir telja hinsvegar að með nýjustu ummælum sínum sé Wen Jiabao varfærnislega og undir rós að breyta afstöðu kínverskra yfirvalda.
„Erum í miðri hrinu“: Styttist í Eldvörp
Hluti bílastæðis undir hraun: Ómögulegt að meta tjón
Fullvissa ferðamenn um að hér sé öruggt
Drónamyndskeið frá hápunkti gossins í nótt
Mjög alvarlegt ef Njarðvíkuræð gefur sig
Hraunið við bílastæði Bláa lónsins
Úlfar: Heppileg tímasetning á gosinu