Grískir mótmælendur hefta skipasamgöngur

Þúsundir ferðamanna sátu fastar í hafnarbænum Piraeus á Grikklandi í morgun, á meðan heimamenn lokuðu höfninni að áeggjan verkalýðsfélaga í mótmælaskyni við niðurskurðaraðgerðir stjórnvalda.  Lokað hefur verið fyrir alla skipaumferð frá Piraeus þrátt fyrir að aðgerðirnar hafi verið dæmdar ólöglegar seint í gærkvöldi.

„Það er allt lamað," hefur AFP eftir talsmanni grísku strandgæslunnar. „Hópur um 80 mótmælenda kemur í veg fyrir að eitt einasta skip sigli." Verkalýðsfélagið Pame  stendur fyrir mótmælunum segir að mótmælastaðan muni vara til fimmtudagsmorguns.

Mótmæli og óeirðir hafa verið tíð í Grikklandi síðustu mánuði vegna slæmrar skuldastöðu ríkisins og hagræðingaaðgerða.  Mótmælin hafa komið illa við ferðamannaiðnaðinn í landinu.  Fimmta allsherjarverkfallið á þessu ári hefur verið boðað þann 29. júní.

• 1 blogg um fréttina

Bloggað um fréttina

• Hecademus: Samstaða Grikkja