Hýddur í refsingarskyni

Svisslendingurinn Oliver Fricker hefur verið dæmdur í fimm mánaða fangelsi fyrir að hafa spreyjað graffití á lest í Singapore. Þá skal hann jafnframt hljóta þrjú vandarhögg í refsingarskyni. Þá er sá brotlegi sleginn í bakið eða á læri með viðarpriki.

Fricker, sem er 32 ára gamall hugbúnaðarráðgjafi, viðurkenndi að hafa brotist inn á geymslusvæði og spreyjað á lestina. Hann var handtekinn 25. maí sl. um viku eftir atvikið og tveimur dögum áður en hann átti að byrja í nýju starfi í Sviss. Dómari segir brotið hafa verið alvarlegt.

Yfirvöld í Singapore segjast enn vera að leita að öðrum manni, Bretanum Lloyd Dane Alexander, sem er talinn hafa tekið þátt í verknaðinum.

Mannréttindasamtökin Amnesty International fordæma dóminn.

• 2 blogg um fréttina

Bloggað um fréttina

• Börkur Hrólfsson: Fá dómarann hingað
• Klukk: Til hvers?