„Hraðlax“ í búðirnar

Neytendum kann senn að standa til boða að kaupa sér erfðabreyttan eldislax sem þroskast helmingi hraðar en venjulegur eldisfiskur, lax sem kalla mætti „hraðlax“.

Það er erfðafyrirtækið AquaBounty Technologies sem stendur að baki þróuninni en á vefsíðu þess má sjá vaxtarkúrfu erfðabreytta laxins sem er mun fljótari að ná æskilegri hámarksþyngd en venjulegur eldislax. Svo ein samanburðartala sé valin af handahófi vegur erfðabreytti laxinn sex kíló eftir 700 daga eldi en venjulegi laxinn 2,25 kíló.