Norður-Kórea ósátt við heræfingu

Hinar skipulögðu sjóheræfingar Suður-Kóreu og Bandaríkjanna eru ógn við heimsfriði og yfirlýsing landanna er „óvinveitt“ stefna gegn Pyonyang segir Ri Tong Il, talsmaður Norður-Kóreu.

„Slíkar þreifingar eru ekki einungis mikil ógn við frið og öryggi á Kóreuskaganum heldur heimfriði og öryggi,“ sagði Ri Tong Il á öryggisfundi í Hanoi.

Bandaríkin og Suður-Kórea sendu frá sér yfirlýsingu í gær, að loknum fundi Hillary Clinton með stjórnvöldum í Suður-Kóreu, þess efnis að Norður-Kórea verði að „hætta árásargirni sinni og gera sér grein fyrir þeim alvarlegu afleiðingum sem hún kann að hafa í för með sér.“