Fleiri með heyrnarskemmd

Nærri því einn af hverjum fimm táningum í Bandaríkjunum eða um 6,5 milljónir unglinga reyndust hafa skerta heyrn árið 2006, að því er fram kemur í riti Bandaríska læknafélagsins. Um er að ræða 30% aukningu á tíðni heyrnarskemmda miðað við rannsóknaniðurstöður árið 1994.

Niðurstöður rannsóknarinnar hafa komið mjög á óvart ekki síst þar sem nú er mun meira um það en áður að bólusett sé við ýmsum sjúkdómum sem geta skaðað heyrn.

 Fram kom að í flestum tilfellum væri um tiltölulega litla skerðingu að ræða. Hún er mest áberandi hjá unglingum i fjölskyldum sem eru undir fátæktarmörkum og tíðnin er lægri hjá stúlkum en drengjum. Engu er slegið föstu um orsök þessarar þróunar en sagt að rannsaka þurfi frekar áhrif mikils hávaða  á heyrnina.

• 1 blogg um fréttina

Bloggað um fréttina

• Ólafur Ragnarsson: "gúrkutíð"